Mgombea wa kiti cha ukatibu UVCCM jimbo la Kinondoni jijini Dar es Salaam, Rehema Mbegu leo amewazawadia mabondia wa kambi ya bigright ya Mwananyamala vifaa vya michezo vikiwemo bukta za ulingoni jozi nane za gloves, vilinda chini (groin guard), na vilinda kinywa (mouth guard).
Akizungumza na wanahabari hizi bi Rehema mbegu alisema kuwa “Kutoa ni moyo na wala si utajiri, niwajibu wetu viongozi kusaidiana katika sekta mbalimbali, mimi sina uwezo mkubwa wa kuwatosheleza kwa kila kifaa cha mazoezi mnachokihitaji ila ninatoa hivi vichache viwasaidie na kila nipatapo uwezo sitawaacha nitakuwa nanyi pamoja kama ilivyo sasa, na wengine wenye uwezo nimewafungulia njia wajitokezee kuwasaidia mabondia wetu na ninawaomba wadau wengine wa michezo ,wasiwatenge wanamichezo hasa mabondia, kwani ngumi ni mchezo mgumu na vifaa vyake ni ghali mabondia wenyewe hawamudu kutokana na kipato chao kidogo.hivo tuwasaidie vijana wetu ili tuwaokoe na majaribu ya madawa ya kulevya na mambo mengine ya kihuni kama wizi, ukabaji na kadhalika.