Mwandishi a Kituo cha Channel Ten cha jijini Dar es Salaam, Salum Mkambala amepata ajali ya gari na kuvunjika mguu na mkono wake wa kulia.
Taarifa zilizofikia dawati letu la habari zinasema kuwa ajali hiyo ilitokea jana alfajiri majira ya saa 10 katika eneo la Vingwaza mkoani Pwani, baada ya gari lake kugonga tela la mizigo alilopishana nalo.
Mkambala alikuwa akisafiri kwenda Morogoro kikazi na alipofika katika eneo hilo alipishana na lori lenye tela lakini kutokana na ubovu wa barabara alijikuta akilivaa tela kwa nyuma na gari lake kusukumwa pembeni mwa barabara.
Baada ya ajali hiyo mwandishi huyu alikimbizwa Hospitali ya Tumbi na baadae kupelekwa Taasisi ya Mifupa Muhimbili (MOI).