 |
| Rais wa bendi ya Mashujaa, Charles Baba akiwa amepiga amepiga magoti wakati akimvika pete ya uchumba mwanadada Rehema Sospeter. (Picha zote na pallangyor blog). |
---
Rais wa Bendi ya Mashujaa, Charles Baba jana usiku alimtambulisha mchumba wake mwanadada Rehema Sospeter na kumvalisha pete mbele ya mashabiki wakati bendi hiyo ikitambulisha albamu yao ijulikanayo kwa jina la Risasi, burudani iliyoporomoshwa ndani ya kiota cha Business Park, Kijitonyama, jijini Dar es Salaam.
Shangwe zililipuka pale mwanamuziki huyo alipomuita mchumba wake stejini kumtambulisha na kuvalishwa pete huku Charles Baba akisema huyo ndiye mama watoto wake mtarajiwa na maandalizi ya kufunga pingu za maisha yameshaanza.
Onyesho hilo FM Academia ndiiyo walikuwa wa kwanza kupanda jukwaani na kutoa burudani nzuri na wakafuatiwa na Mashujaa ambao nao walitoa burudani ya nguvu bila kusimama. Mashabiki walionekana kufurahia dansi kwani muda wote walikuwa wamesimama wakicheza na kuwatunza wacheza shoo na waimbaji.
Mkurugenzi wa Mashujaa Bendi, Sakina Mohmed Mbange maarufu kama Mama Sakina hakuwa nyuma kuonyesha furaha yake kwani alikuwa anacheza muda wote huku akifurahi hadi kutokwa na machozi.