Marehemu Geogre Tyson pichani hapa alikuwa yupo kijiji cha Chilonwa Chamwino kwenye utoaji wa madawati katika shule ya msingi Chaula iliyopo Dodoma. Baada ya kumaliza shughuli hii huku akiwa kama producer wa The Mboni Show mauti yalimkuta majira ya saa 12 jioni masaa 4 tu toka waanze safari ya kurudi Dar es Salaam maeneo kama unataka kukaribia GAIRO mjini.
Muongozaji wa filamu na vipindi mbali mbali vya televisheni hapa nchini, George Tyson amefariki dunia.
George Tyson amefikwa na mauti hayo usiku wa kuamkia leo baada ya kupata ajali mbaya sana kutokana na gari waliolokuwa wakisafiria kutoka mkoani Dodoma kuja Dar es salaam, wakitokea kwenye hafla ya kuadhimisha miaka miwili ya kipindi cha televisheni cha The Mboni Show, kupinduka mara kadhaa kutokana na kupasuka kwa mipira miwili (matairi) ya gari hiyo aina ya Toyota Noah.
Ajali hiyo imetokea majira ya saa moja jioni, eneo la gairo mkoani Morogoro.
Ndani ya gari hilo kulikuwa na watu nane, kati yao ni wapiga picha wa show hiyo ambao nao hali zao ni mbaya kutokana na kuumia maeneo mbali mbali ya miili yao na kukimbizwa hospitali ya rufaa ya Morogoro kwa matibabu.
Kwa sasa mwili wa marehemu umehifadhiwa hapa Morogoro katika hospitali ya mkoa Morogoro, n.a muda si mrefu mwili utaanza safari ya kurudi Dar es Salaam kuendelea na taratibu za mazishi