BENDI ya muziki wa Dansi ya Extra Bongo 'Wazee wa Kizigo' imemnasa aliyekuwa mwuimbaji wa bendi ya K-Mondo Sound Adam Athuman ili kuongeza nguvu katika bendi hiyo.
Akizungumza hivi karibuni, Mmiliki wa bendi hiyo Ally Choki alisema, bendi yake imeamua kumnasa muimbaji huyo ikiwana lengo la kuongeza nguvu zaidi.
“Adamu ameotoka K-Mondo na ninaimnai kubwa ataisaidia bendi yangu na kuongeza ufanisi zaidi”alisema Choki.
Nae Adam alisema, anamshukuru mungu kutua katika bendi hiyo na kudai kuwa zilikuwa ndoto zake za siku nyingi kuitumikia bendi hiyo.
“Mimi siku nyingi sana nilikuwa nikitamani kufanya kazi na Ally Choki na namshukuru mungu nimefanikiwa, na K-Mondo nimetoka kwa kuwa hawana maslahi mazuri kwangu”alisema.
Aadam alisema, kwa kuwa alikuwa anafanya kazi nyingi ikiwa ni kuimba, kucheza na mambo mbalimbali uongozi wake haukutaka kukubaliana nae katika suala zima la maslahi kama amabavyo alikuwa akifanya kazi kubwa.
Aliongeza kuwa mpaka sasa amefanikiwa kuelewa kwa kina nyimbo tatu ambazo ni Mjini Mipango, Dubleduble pamoja na Fadhila ya Wazazi huku nyingine akiendelea kuzifanyia kazi.