+Gration+Mkoba.jpg)
Rais wa Chama cha Walimu Tanzania (CWT) Gration Mkoba akitoa taarifa ya chama hicho kwa waandishi wa habari leo kuhusu Mchakato na Mgogoro kati ya Chama hicho na Serikali. Kulia ni Kaimu Katibu Mkuu wa CWT Mwl. Ezekiel Oluoch.
---
Na Hellen Kwavava wa Kajunason Blog.
Chama cha Walimu Tanzania (CWT) kimepinga mpango wa serikali wa kupunguza mafao ya wastaafu ya wanachama wa mifuko ya Pensheni kwa Watumishi wa Umma (PSPF) na watumishi wanachama wa LAFP.
Imesemekana mpango huo kama utatekelezwa utapunguza kiinua mgongo cha walimu na watumishi wengine kwa zaidi ya nusu ya kile wanachopata kwa sheria iliyopo.
Akizugumza jijini Dar es salaam rais wa chama hicho, Gration Mkoba amesema kwamba wamepugunza malipo ya Pensheni ya Mkupuo kutoka asilimia 50 ya sasa hadi asilimia 33.3 ya mshahara kwa mwezi kabla ya kustaafu.
Rais huyo ameeleza kuwa sababu kubwa inayotolewa na serikali kuhususiana na kupunguza mafao hayo ni hali mbaya kifedha jambo linalopingwa na wafanyakazi.
Naye mweyekiti wa chama cha wafanyakazi taasisi za elimu ya juu, Emil Karurange amesema kwamba wanaiomba serikali kusitisha zoezi hilo hadi hapo watakapo kaa na kujadili na wafayakazi wao.