WADAU mbalimbali wanatarajia kujumuika kesho Jumapili jioni Novemba 17, kwenye ukumbi na Mgahawa wa kisasa wa Nyumbani Lounge kusherekea Miaka Mitano ya Usiku wa Khanga za Kale ‘5th Extra Vaa Khanga Party’ sambamba na shoo kali kutoka kwa Dj Tass.
Akizungumzia mmoja wa waandaji wa shoo hiyo ambaye pia ni mbunifu na mwanamitindo, Wancy Nells Emmah, alisema tayari maandalizi yamekamilika na tayari tiketi zinatolewa bure kwa waalikwa.
“Shoo hii ni ya bure kwa wadau wa Kanga za Kale, na wengine wote wanaombwa kujitokeza kwa wingi kuchukua ‘complimentary’ kwenye duka la Fabak Fashion, pale Msasani kwa Mwalimu Nyerere, au kupitia namba0655999331/au 0713263363 alisema Wancy.
Kwa upande wake, Mkurugenzi wa Fabak Fashion na mwandaaji wa onyesho hilo, kila mwaka, Asia Idarous Khamsin, alisema wadau hao watajumuika kwa pamoja na kula keki maalum sambamba na kushuhudia shoo ndogo ya vazi hilo.
“Usiku wa ‘5th Extra Vaa Khanga Party’, si wa kukosa kwani tutakula keki kwa pamoja, kutoa vyeti maalum vya shukrani kwa wadau, kucheza mziki na kufamiana kwa pamoja” alisema Asia Idorous.
Aidha, katika shoo hiyo, Dj Tass wa 24 Djs atatoa burudani kwa wadau watakaojumuika hapo sambamba na surprise mbalimbali kwa wadau hao ambao watapata kucheza 'Karioki'.