LULU Mbonela jana alivikwa rasmi taji la Redds Miss Tanga 2013 baada ya kushika nafasi ya kwanza katika shindano la kumtafuta mrembo wa mkoa wa Tanga lililofanyika Uwanja wa Mkwakwani Jijini hapa.
Aliyeshinda nafasi ya pili katika mchuano huo uliohudhuriwa na Katibu Mkuu wa Wizara ya Uchukuzi Omari Chambo na Mkuu wa Wilaya ya Tanga,Halima Dendego ni Like Kipenga huku nafasi ya tatu ikienda kwa Hawa Ramadhani,Hawa Twayb aliyekuwa mshindi wa nne wa tano akiwa Judith Molel.
Washindi hao wamejipatia tiketi ya kushiriki shindano la kumtafuta mrembo wa mikoa ya Kanda ya Kaskazini Taji la Miss Talent 2013 lilikwenda kwa Azina Mbaga aliyewashinda washiriki wenzie 12 kwa ucezaji wa ngoma za asili ya Kiafrika.
Katika shindano hilo mshindi wa kwanza alizawadiwa kitita cha sh.500, 000 mshindi wa pili 300,000, mshindi wa tatu 250,000 huku mshindi wanne na tano kila mmoja akipata kitita cha sh.200,000 kila mmoja.
Aidha pia washiriki wengine waliokuwa wanawania taji hilo kila mmoja alizawadiwa kitita cha sh.100,000kila mmoja kutoka kwa muaandaaji wa mashindano hayo
Jopo la majaji katika shindano hilo lilohudhuriwa na mashabiki wengi lililongozwa na Boniface Shelufumo huku wasani walionogesha ni pamoja na Beatrice Nabisha,Fabby Dady,Dr John ,Tunda Man na Afua Suleyman huku wasema chochote wakiwa Sakina Lyoka na fred Mwanjala.